· Ana səhifə

· Rəsmi

· Heydər Əliyev Fondu

· Əmrlər, sərəncamlar

· Təhsil Nazirliyində

· Xəbərlər

· Pedaqoji yazılar

· Məktəblərimiz

· Bizimlə əlaqə

Son illər ərzində təhsilin səviyyəsinin qaldırılması işində vacib addımlar atılır, "Təhsil haqqında" Qanun uzun müzakirələrdən sonra qəbul edilibdir. Ancaq bu sahədə inkişaf üçün hələ çox iş görülməlidir. Bir daha demək istəyirəm ki, dünyanın ən mütərəqqi təcrübəsi öyrənilməlidir, eyni zamanda Azərbaycan gəncləri milli ruhda tərbiyə olunmalıdır.

Azərbaycan Respublikasının Prezidenti İlham Əliyevin

Bakı Dövlət Universitetinin 90 illik yubiley mərasimindəki çıxışından

Gürcüstan ombudsmanının aparatında Azərbaycanlı Tələbələr Assosiasiyasının təqdimatı keçirilib

Yanvarın 30-da Gürcüstan ombudsmanının ofisində Azərbaycanlı Tələbələr Assosiasiyasının təqdimat mərasimi keçirilmişdir.

Assosiasiyada Gürcüstanın ali məktəblərində təhsil alan 30-dək azərbaycanlı tələbə birləşmişdir. Məqsəd bu ölkənin ali məktəblərində təhsil alan 400-dək azərbaycanlı tələbənin gürcü həmyaşıdları ilə ünsiyyət qurmasına kömək etmək, onların cəmiyyətə inteqrasiyası, ölkənin siyasi, iqtisadi, mədəni həyatında fəal iştirakının təmin olunması və hüquqlarının qorunmasıdır.

Tədbirdə çıxış edən Tbilisi şəhərinin meri Qiqi Uqulava əmin olduğunu bildirmişdir ki, azərbaycanlı tələbələr təşkilatlanaraq qarşıda duran vəzifələrin öhdəsindən layiqincə gələcəklər. O, meriyanın onlara dəstək verəcəyini də söyləmişdir.

İ.Cavaxişvili adına Tbilisi Dövlət Universitetinin rektoru Georgi Xubua başçılıq etdiyi ali məktəbdə daha çox azərbaycanlı tələbənin təhsil almasını, onların ölkə həyatının bütün sahələrində fəal iştirakını arzulamışdır.

Təhsil və elm nazirinin müavini Nodar Surquladze hökumətin milli azlıqların nümayəndələrinin ali təhsil alması istiqamətində həyata keçirdiyi tədbirləri diqqətə çatdırmışdır.

Azərbaycanın Tbilisidəki səfirliyinin məsul əməkdaşı Şövqi Mehdizadə, Gürcüstan Parlamentinin komitə sədri Georgi Arsenişvili, ombudsman Georgi Tuquşi və başqaları assosiasiyaya uğur diləmiş, bu qurumun azərbaycanlı gənclərin cəmiyyətə inteqrasiyasına layiqincə xidmət göstərəcəyinə əmin olduqlarını bildirmişlər.

Tədbir konsert proqramı ilə davam etdirilmişdir.

Azərbaycan Universiteti ilə ABŞ-ın Oklahoma Dövlət Universiteti arasında videotelekonfrans keçirilib

Azərbaycan Universiteti ilə ABŞ-ın Oklahoma Dövlət Universiteti arasında videotelekonfrans keçirilmişdir.

Azərbaycan Universitetindən bildirmişlər ki, videotelekonfransda hər iki təhsil müəssisəsinin fəaliyyəti barədə ətraflı məlumat verilmişdir.

Qeyd edilmişdir ki, Oklahoma Dövlət Universitetinin ayrı-ayrı məktəb və institutlarında təhsil işçiləri ilə yanaşı, təqribən 600-dək biznesmen də fəal iş aparır. Onlar kurikulumların müzakirəsini keçirir, təkliflər verir, universitetdə hazırlanan kadrların işlə təmin olunmasına kömək göstərirlər.

Videokonfransda, eyni zamanda universitetlər arasında müəllim, tələbə mübadiləsi və əməkdaşlıqla bağlı digər məsələlər üzrə müzakirələr aparılmışdır.

Hörmətli oxucular, bu məqalədə ayrı-ayrı ölkələrlə təhsil sahəsində əməkdaşlıq əlaqələri barədə fikirlərimi davam etdirmək, eyni zamanda azərbaycanlı gənclərin xaricdə təhsili üzrə ölkə Prezidenti tərəfindən təsdiq olunmuş Dövlət Proqramı çərçivəsində həyata keçirilmiş tədbirləri diqqətinizə çatdırmaq istərdim.

Müstəqillik dövründə təhsil sahəsində Azərbaycan Respublikasının Fransa ilə əlaqələri 1993-cü ildən başlanmışdır. Bu əməkdaşlıqda birinci istiqamət Azərbaycanda fransız dilinin tədrisinin təkmilləşdirilməsi və genişləndirilməsi ilə bağlı olmuşdur.

Fransanın köməyi ilə Azərbaycan Dövlət Pedaqoji Universiteti, Naxçıvan Dövlət Universiteti və Gəncə Dövlət Universitetində fransız dili şöbələri açılmış və ilkin mərhələdə bu işin təşkili və tədrisi prosesinin aparılmasına fransalı mütəxəssislər cəlb olunmuşlar.

 Tələbə Qəbulu üzrə Dövlət Komissiyası Bakıda zona müşavirəsi keçirib

Fevralın 3-də Bakıdakı 1 nömrəli orta məktəbdə  Tələbə Qəbulu üzrə Dövlət Komissiyası 2009-2010-cu tədris ili üçün ali məktəblərə qəbul imtahanlarının elmi-statistik təhlilinə həsr olunmuş müşavirə keçirdi. Müşavirədə TQDK-nın, Təhsil Nazirliyinin nümayəndələri, məktəb direktorları və KİV əməkdaşları iştirak edirdilər.

Təhsil naziri  Misir Mərdanov tədbiri giriş sözü ilə açaraq bildirdi ki, bu gün  buraya TQDK və Təhsil Nazirliyi ekspertləri və məktəb direktorlarının birgə iştirakı ilə ənənəvi bir müşavirəyə toplaşmışıq. Deməliyik ki, Tələbə Qəbulu üzrə Dövlət Komissiyası ali və orta ixtisas  məktəblərinə  sənəd verən abituriyentlərin ali və orta ixtisas məktəblərinə  qəbulu ilə əlaqədar respublikanın bütün bölgələrində belə bir müşavirə keçirib. 

Universal "alim"

Xeyli müddətdir ki, Əlövsət Osmanlı adlı şəxsin "Azadlıq" qəzetinin səhifələrində tanınmış təhsil işçilərinə, ziyalılara ünvanlanmış böhtan və yalan dolu yazılarına münasibət bildirmək istəyirdim. Ancaq hər dəfə qələmi əlimə alanda daşıdığım vəzifənin məsuliyyətini hiss edərək, nə özümü, nə də 75 illik tarixi olan "Azərbaycan müəllimi" qəzetini Əlövsət səviyyəsinə salmayım, deyə, bu fikrimdən daşınırdım. Nəhayət, heç bir sərhəd tanımayan bu şəxsin ildən artıq müddət ərzində  hər gün "Azadlıq" qəzetinin bir səhifəsini təhsillə bağlı uydurma və cəfəng fikirlərlə doldurması məni də həmin böhtanlara tutarlı cavab verməyə sövq etdi.

Riyaziyyatçı olsa da, "Əlifba" və "Həyat bilgisi" dərsliklərinə də həmmüəlliflik etmiş universal "alim" Əlövsət Osmanlını dərslik müəllifliyi həvəsinə düşdüyü ilk vaxtlardan tanıyan bir şəxs kimi onun kimliyinə azacıq da olsa, aydınlıq gətirmək üçün bəzi alim və ziyalıların da yaxşı xatırladıqları bir məqama diqqət çəkmək istəyirəm.

Müasir elmin korifeyi

ölkənin təhsil işçiləri tədris prosesində şagird və tələbələrin elmi dünyagörüşünün genişləndirilməsinin, bəşəriyyətin qazandığı biliklərin və milli-dünyəvi mənəvi dəyərlərin gənclərə mənimsədilməsinin səmərəli yollarını axtarıb tapır və optimal metodlarla əsl insan hazırlamağa çalışırlar.

Təbii ki, bu prosesdə Azərbaycan xalqının dünya elminə verdiyi töhfələr, ayrı-ayrı soydaşlarımızın elmi-nəzəri fikirləri barədə də yetişməkdə olan nəsillərə məlumat verilir, dünya şöhrətli alimlərimizin nümunəsində gəncliyin vətənpərvərlik, milli qürur hissi dərinləşdirilir, elmi axtarışlara meyil artırılır.

Azərbaycan xalqının dünya ədəbiyyatı və mədəniyyətinə bəxş etdiyi sənət korifeyləri bəllidir. Azərbaycan elminin dünya elmi sahələrini zənginləşdirən uğurları da çoxdur.

Yeni fənn kurikulumlarının tətbiqinə dair respublika seminarı

Xəbər verdiyimiz kimi, Azərbaycan Respublikası Təhsil Nazirliyinin Təhsil Problemləri İnstitutu bu ilin yanvarından başlayaraq ayda bir dəfə ölkənin təhsil sistemində aparılan islahatlara həsr olunmuş respublika seminarı keçirməyi nəzərdə tutub. Seminarlarda məqsəd islahat çərçivəsində ümumi təhsilin məzmununun yeniləşdirilməsi istiqamətində həyata keçirilən tədbirlərdə, xüsusən də institutun Kurikulum Mərkəzində fənn kurikulumlarının hazırlanması və tətbiqi ilə bağlı görülən işlərdə təhsil işçilərinin daha geniş dairəsinin iştirakını təmin etmək, onların rəy və mülahizələrini, arzu və istəklərini öyrənmək, aparılan müzakirə və diskussiyalarda irəli sürülmüş faydalı təkliflər əsasında fəaliyyətləri daha da təkmilləşdirməkdir.

Məlum olduğu kimi, təhsil nazirinin 5 oktyabr 2009-cu il tarixli, 1116 nömrəli əmri ilə cari dərs ilində respublikanın bütün ümumtəhsil məktəblərinin buraxılış siniflərində və peşə liseylərində mərkəzləşdirilmiş qaydada keçiriləcək yoxlama  imtahanlarının vaxtı müəyyənləşdirilmiş və ictimaiyyətə elan edilmişdir. Artıq bu bilik sınağına bir aydan da  az vaxt qalır. Yoxlama imtahanlarına hazırlıq məqsədilə nə kimi tədbirlər həyata keçirilib? 2009-20/10-cu dərs ilində mərkəzləşdirilmiş qaydada aparılacaq yoxlama və buraxılış imtahanlarında hansı yeniliklərin tətbiqi nəzərdə tutulub? Şagirdlər müvəffəq qiymət almaq üçün nə etməlidirlər?

ümumi orta  təhsil pilləsində məzmun  xətləri  üzrə  təlim  nəticələri

1. Emal texnologiyaları

Şagird:

* emal texnologiyalarının özünəməxsus xarakterik cəhətlərini şərh edir;

* emal prosesi üçün lazım olan materialları seçərək çeşidləyir və istifadə üçün hazırlayır;

* emal prosesinə hazırlıq mərhələsində nişanlama, kəsmə, biçmə, tikmə, qida məhsullarının emalı, birləşdirmə və quraşdırma bacarıqları nümayiş etdirir;

* emal texnologiyalarından istifadə edərək fərdi qaydada və qrup tərkibində müxtəlif məmulatlar hazırlayır, birgə fəaliyyət bacarıqları nümayiş etdirir;

Dünya universitetləri - 23

London Kral Kolleci

London Kral Kolleci (KingTs College London) Böyük Britaniyanın paytaxtı London şəhərində yerləşir. Kollec ölkənin tədqiqat universitetlərini birləşdirən "Russell Qrupu"na daxildir. Böyük Britaniyanın "Times Higher Education Supplement - QS World Universities Rankings" jurnalının 2009-cu ildə apardığı dünya universitetlərinin reytinqinə əsasən, London Kral Kolleci 100 ən yaxşı ali məktəb arasında Böyük Britaniyada 6-cı, Avropada 7-ci, dünyada isə 23-cü yerdə sıralanıb. Bu kollec Avropada səhiyyə üzrə mütəxəssis hazırlayan bir nömrəli elm mərkəzidir. Kollecin tələbələri təhsil ocağının əlaqələr qurduğu dünya universitetlərində bir il təhsil almaq hüququna malikdirlər. Bu zaman həmin tələbəyə təhsil aldığı ölkənin təhsil sistemi, mədəniyyəti ilə tanış olmaq və ondan yararlanmaq imkanı yaradılır.

Peşə təhsili məktəblərindən yüz şagird Skills@Work Milli Finalında yarışıb

Yanvarın 27-28-də "British Council" təşkilatı Skills@Work Challenge yarışının milli finalını keçirib.

Tədbirdə 7 texniki peşə məktəbinin 100 şagirddən ibarət 20 komandası iştirak edib. İki gün keçirilən yarışmada komandada iştirak edən şagirdlər qruplara bölünərək qarşıya qoyulan məsələyə dair öz layihələrini təqdim ediblər. Münsiflər heyəti komandaları təklif olunan ideyaların həyata keçirilən dərəcəsi, yeniliyi və təqdimat bacarığına əsaslanaraq qiymətləndirib. Ən çox xal toplamış altı komanda finalda "Mobil texnologiyadan istifadə edərək müasir təhsil sistemi üçün yeni əmtəə və  ya xidmət təklif edin" mövzusunda öz ideyalarını təqdim edib. Yarışda Bülbül adına Orta İxtisas Musiqi Məktəbinin "Pozitron" komandası qalib gəlib. Qeyd edək ki, birinci yerin sahibləri 21-25 aprel tarixində Belqradda keçiriləcək regional "Skills@Work Challenge" yarışında iştirak edəcək.